Egitekoak - Erakundearen zentro, zerbitzu eta
unitate guztien jarduera zuzentzea, jarduera hori
programa eta proiektuetako helburuak lor daitezen
bultzatuz eta Osalaneko helburuak bete daitezen
bideratuz, Justizia, Lan eta Gizarte Segurantza
Sailak emandako jarraibideen arabera eta Kontseilu
Nagusiaren erabakien
arabera.
- Osalaneko langilearen
buruzagitza gorena izatea, langileengan ekimena eta
partehartzea eraginez, eta erakundearen helburu eta
jardunetan eurek ere erantzukizun proportzionala har
dezatela eraginez. Langileen prestakuntza
jarraikorra zaintzea eta euren lanbidean gora egin
dezatela erraztea.
- Osalaneko
aurrekontuen aurre-egitasmoa egitea eta idaztea,
Kontseilu Nagusiari eta Justizia, Lan eta Gizarte
Segurantza Sailari
aurkezteko.
- Osalanen gastuei baimena
ematea eta ordainketak agintzea, bai eta
erakundearen ekonomia-eskubideak administratzea,
kudeatzea eta gauzatzea ere, dagozkion arauetan
ezarritakoaren arabera.
- Osalan-Laneko
Segurtasun eta Osasunerako Euskal Erakundearen
kontratazio organo legez
aritzea.
- Osalan-Laneko Segurtasun eta
Osasunerako Euskal Erakundea legez
ordezkatzea.
- Osalaneko programak
betetzeko, Kontseilu Nagusiari nahitaez irizpena
eskatuta, hitzarmenak eta akordioak izenpetzea
erakunde publiko eta/edo pribatuekin, Euskal
Autonomia Erkidegoko Administrazioan ezarritako arau
orokorren esparruan.
- Ekintzen urteko
txostena gauzatzea, urteko lehen hiruhilabetekoan
Kontseilu Nagusiari
bidaltzeko.
- Osalanen urteroko
Kudeaketa Plana Kontseilu Nagusiari aurkeztea,
Erakundearen estrategiako programak eta proiektuak
oinarri hartuta.
- Laneko osasunaren
alorrean Osasun Sailak proposatutako jarduketarako
programa onartzea, aurkezten denetik hasita bi
hilabeteko epean eta Kontseilu Nagusiak txostena
egin ondoren, hain zuzen ere urteroko Kudeaketa
Plana Kontseilu Nagusiak onartu eta gero programa
plan horretan sartzeko.
- Justizia, Lan
eta Gizarte Segurantza Sailari, Osasun Sailari eta
Kontseilu Nagusiari beren eginkizunak betetzeko
behar duten adina argibide
ematea.
- langileen osasunerako galgarri
izan daitezkeen laneko arriskuei aurrea hartzeko
arauak larriki edo behin eta berriro urratuz gero,
Lan-Agintaritzari
jakinaraztea.
- Proposamenak hasierazi
eta izapidetzeko ardura duten unitateetatik datozen
proposamenei erabakia ematea, Erakundearen
eginkizunei buruzko espediente administratiboetan.
Dekretu honetako gehigarrizko xedapenetatik
bigarrenean agindutakoa salbuespen izango
da.
- Osalaneko langileei baimena ematea
foru, batzorde edo erakunde aholkularietan parte
hartzeko, partaidetza horrek Erakundearen maila
baldin badauka.
- Osalani jarritako
helburuak betetzeko beharrezkoak izanda, beste
organoren batzuei izendatu ez zaizkien aginpideak
gauzatzea.
|
